جنوبی وزیرستان میں بم دھماکے میں 2 فوجی ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے قبائلی علاقے جنوبی وزیرستان کے شہر وانا کے قریب بدھ کی صبح ایک دھماکے میں دو فوجی اہلکار ہلاک ہوگئے ہیں۔ ذرائع کے مطابق وانا سے پانچ کلومیٹر مغرب میں فوجی کیمپ زیڑی کالونی کے سامنے ایک چیک پوسٹ پر خودکش کار بم دھماکہ ہوا جس میں چیک پوسٹ کا مینار تباہ ہو گیا ہے۔اس حملے میں چار سیکیورٹی اہلکار زخمی بھی ہوئے ہیں۔